Книга на татарском - Мәетләрне җирләү белән бәйле йолалар, вазыйфалар 96 бит

Бу дөньяда беребез дә мәңгелек түгел. Дөньяда мәңге яшәгән бер барлык та юктыр. Һәр җанлы вафат була. Үлем белән арабыздан аерылганнар мәңге югалып китмиләр. Алар бездән әүвәл юлга чыгалар һәм билгеле бер урында безне көтеп торалар. Үлем белән ахирәт тормышының ишеге ачыла. Бу ишектән мәңгелек йортка керелә. Бу йортның ишеге — кабердер. Алай булгач, мәңгелек тормышыбыз өчен бу дөньяда әзерлек ясарга кирәк.

Үлемтеккә әзерлисе әйберләр, үлгәч эшне нәрсәдән башларга, вафат булган кешегә карата вазыйфаларыбыз, мәет янында, мәетнең якыннарына төшкән вазыйфалар, төн саклаучыларның вазыйфасы, мәчеттән алып киләсе әйберләр, мәет саклауга һәм юуга карата кагыйдәләр, кәфенлек, Коръән уку, җеназа намазын уку, мәетне алып киткәч ни эшләргә, каберләрне зиярәт кылу, сәдака кемнәргә бирелә һ.б. һ.б. бик күптөрле сорауларга җавапларны әлеге китаптан табарга була.

Үлем көтмәгәндә килә. Менә шул вакытта югалып калмас өчен ярдәмлек рәвешендә чыгарылган да инде бу китап.