Брошюра на татарском языке "Йортка бәрәкәт иңдерүче Фәтхия догасы", Мәхмүт Хәзрәт Шәрәфетдин

Әлеге Фәтхыя догасын китапчык итеп язып бастыруымның сәбәбе шәхсән минем үземә юлланган бер хат булды. Анда шулай дип язылган иде: "Мәрхүм дәү әтием йортыбызның дүрт почмагына һәм керү юлында булган ишек башына догалар язып куйган иде, һәм: "Балаларым, шушы кәгазьдә язылган догалар хөрмәтенә Аллаһы Тәгалә сезнең нигезне бөтен бәла-казалардан саклар, сезнең йортыгызны ут яндыра алмас, җилдавыллар җимерә алмас, сезнең нигез беркайчан су астында калмас, шайтан-пәриләр һәм явыз күңелгә ия булган кешеләр сезнең йортка зыян эшли алмас.

Ләкин бу доганың тәэсире булсын өчен ике шарт бар: беренчедән, Аллаһы Тәгаләгә инаныгыз, икенчедән, гөнаһлардан тыелырга тырышыгыз", дип әйтә иде. Дәү әтидән: "Ул дога ничек атала", дип сорагач, бер иске китап күрсәтеп "Фәтхия" дип әйткәне исемдә. Дәү әтием үлгәч, аның китапларын күрше-тирә алып бетерде.